1. Басты
  2. Біл
  3. Оқиға
  4. Тосын жай

Ақтау базарында алапат өрт болды27 қыркүйек 2020, 12:34

Сурет: inaktau.kz Сурет: inaktau.kz

22-ші шағын ауданда орналасқан "Масат" базарында алапат өрт болды. Отты сөндіруге жүзден аса адам жұмылды, - деп хабарлайды inAktau.

Маңғыстау облысы ТЖД ақпараты бойынша, базардағы өрт туралы дабыл 27 қыркүйекте сағат 6.55-те түскен. Екі сауда қатары отқа жабылды, 17 сауда нүктесі мен 14 контейнер және жалпы ауданы 750 шаршы метр шатыр астындағы 60 орын өртенді.

"Өрт сағат 9.16-да ауыздықталды. Қаза болғандар мен зардап шеккендер жоқ. Өртті сөндіруге ТЖД-нің 68 қызметкері және 13 техника, мемлекеттік емес өрт сөндіру қызметтерінен 10 адам және 2 техника, медицина және апаттар орталығынан 3 қызметкер және 1 техника, 54 полицей және 25 техника жұмылды", - деді Маңғыстау облысы ТЖД басшысының орынбасары, подполковник Бекболат Әбдіқадыров.

Өрт 10.27-де сөндірілді.

Өрттің шығу себебі анықталады. 

Қазақстан жаңалықтары. Соңғы жаңалықтар. Telegram желісінде бізге жазыл!