Ақтауда менингококк инфекциясын жұқтырған сарбаз ауруханаға түсті

01 Қазан 2018, 17:31
0
Ақтауда менингококк инфекциясын жұқтырған сарбаз ауруханаға түсті - © Lada.kz
© Lada.kz

Ақтауда әскери қызметші менингококк инфекциясымен ауруханаға түсті, - деп хабарлайды Tengrinews.kz тілшісі "Лада" порталына сілтеме жасап.

30 қыркүйек сағат 17.00-де 21 жастағы әскери қызметші № 6656 әскери бөлімнен Маңғыстау облыстық ауруханасына ауыр халде жеткізілді. Ауруханадағылардың айтуынша, науқас жұқпалы аурулар ауруханасының жансақтау бөлімінде жатыр. Ол аппарат арқылы тыныс алып жатқан көрінеді.

Дәрігердің сөзіне қарағанда, әскери бөлімнің медициналық қызметінің басшысы міндетін атқарушының айтуынша, мерзімді қызметтегі сарбаз 27 қыркүйекте медициналық-санитарлық бөлімге барған, ол соңғы үш күнде есінен танғанын, денесінің құрысқанын, дене температурасының 39 градусқа дейін көтерілгенін, басының ауырғанын, басының айналғанын, терісіне бөртпелердің шыққанын, лоқсығанын, әлсірегенін, тәбетінің жоғалғанын айтқан.

Науқастың жағдайы нашарлаған соң ол облыстық ауруханаға жеткізілді.

"Компьютерлік томография кезінде мидың құрысуы байқалды, науқас аппарат арқылы тыныстады. Алдын ала диагноз "Менингококк инфекциясы, жайылған формасы. Менингококцемия, менингоэнцефалит (ауыр түрі), ІІ дәрежелі ми комасы. Бас миының ісінуі. Науқастың жағдайы өте ауыр. Тиісті шаралардың барлығы қолға алынды. Науқаспен байланысқа түскен әскери бөлімдегілердің барлығы медициналық бақылауға алынды", - деді Маңғыстау облыстық ауруханасының директоры Болат Қаюпов.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай