Ақтөбеде тұрғын үйдегі жарылыстан алты адам зардап шекті

09 Қаңтар 2015, 14:34
0
Ақтөбеде тұрғын үйдегі жарылыстан алты адам зардап шекті - ©Тұрар Қазанғапов
©Тұрар Қазанғапов

Ақтөбенің іргесіндегі Заречный елді мекенінде жеке үйдегі газ баллоны жарылды. Төтенше оқиға салдарынан алты адам зардап шекті, - деп хабарлайды Tengrinews.kz тілшісі.

Бұл кезде үйде төрт ересек адам мен екі бала болған. Олардың бәрінің денесін күйік шалды. Облыстық жедел жәрдем ауруханасының бас дәрігері Рахымжан Арыстановтың айтуынша, ересек пациенттердің жағдайы ауыр, олардың үшеуі жансақтау бөлімінде жатыр, біреуі жарақат бөліміне ауыстырылды. Қазір зардап шеккендерді Астанадағы күйік орталығына санитарлық авиациямен жөнелту мәселесі қарастырылып жатыр.

Зардап шеккен балалар болса, облыстық балалар ауруханасына жатқызылды. "ҚазТрансГаз Аймақ" АҚ баспасөз қызметінің хабарлауынша, оқиғаға 5 литрлік газ баллонының жарылуы себеп. Ол асүйдегі жылу радиаторының жанына қойылыпты, бұл - талапқа сай емес.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай