Алматыда Медеуге барар жолда жолаушылар автобусы түгелдей жанып кетті, - деп хабарлайды Tengrinews.kz тілшісі. Өртеніп жатқан қоғамдық көліктің видеосын куәгерлер жіберген.
Алматыда Медеуге барар жолда жолаушылар автобусы түгелдей жанып кетті, - деп хабарлайды Tengrinews.kz тілшісі. Өртеніп жатқан қоғамдық көліктің видеосын куәгерлер жіберген.
Алматы қаласының Төтенше жағдайлар департаментінің мәліметі бойынша, бұл оқиға Достық даңғылында, Бутаковкаға жақын маңда болған. 14.59-да Алматы ТЖД-нің "101" пультіне Медеу ауданы Достық даңғылы Бутаковкаға жақын маңда 29 маршруттағы автобустың өртеніп жатқаны туралы хабарланған. 15.15-те оқиға орнына жеткен өртсөндірушілер мәліметті растады: автобус өртенген және өрттің жалыны құрғап шөпке көшкен. Өрт 15.26-да ауыздықталып, 16,08-де толығымен сөндірілген", - деді ТЖД ресми өкілі Сандуғаш Баймұхамбетова.
Өрттің аумағы 50 шаршы метрді құраған. Зардап шеккендер мен қаза болғандар жоқ.
