Алматыдан 425 шақырым қашықтықта магнитудасы 5,6 болатын жер сілкінісі тіркелді, - деп хабарлайды Тengrinews.kz ҚР БҒМ "Сейсмологиялық тәжірибе-әдістемелік экспедициясы" мекемесіне сілтеме жасап.
Жер сілкінісі 9 шілде күні Астана уақыты бойынша сағат 03.52-де болды. Эпицентрі Алматыдан оңтүстік-шығысқа қарай 425 шақырымда - Қытай аумағында орналасқан.
Тербелістің энергетикалық класы - 12,4, дүмпулер 5 шақырым тереңдікте болған. Зілзаланың адамдар мен ғимараттарға, басқа да нысандарға әсері туралы мәлімет жоқ. Мұның алдында 8 шілде күні Астана уақыты сағат 07.39-да Алматыдан 203 шақырымда жер сілкінген еді. Оның магнитудасы 4,7 болды.
