Алматы облысында болған жол апатынан тоғыз адам қаза тапты

25 Шілде 2015, 11:01
0
Алматы облысында болған жол апатынан тоғыз адам қаза тапты - ©pro-goroda.ru
©pro-goroda.ru

Алматы облысында болған жол апатынан тоғыз адам қаза тапты, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

"Сенбіге қараған түні шамамен таңғы 4.00-де Талғар қаласынан шыға берістегі Кеңдала ауылының маңында Mitsubishi Lancer және FAW автокөліктерінің қатысуымен болған жол-көлік оқиғасы дерегіне сәйкес ҚР ҚК 345-бабының 4-бөлімімен соталды тергеу жүріп жатыр. Алдын ала мәлімет бойынша, салонында ереже бұзып, 9 жолаушыны тасымалдағысы келген Mitsubishi Lancer жүргізушісі қарсы бағыттағы жолға шығып кетіп, сонда FAW жүк көлігімен соқтығысты", - делінген ІІД баспасөз қызметінің хабарламасында.

Жол-көлік оқиғасынан 9 адамның (Mitsubishi Lancer жүргізушісі мен сегіз жолаушысы) оқиға орнында қаза болғаны хабарланып отыр. Жеңіл автокөліктің бір жолаушысы мен жүк көлігінің жолаушысы мен жүргізушісі Талғар орталық ауруханасына түрлі жарақатпен жеткізілді. Бірқатар қажетті сараптама тағайындалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай