Алматы облысында екі қыз ұшты-күйлі жоғалды

06 Ақпан 2018, 09:28
0
Алматы облысында екі қыз ұшты-күйлі жоғалды - Анастасия Букова мен Аружан. © ktk.kz, patrul.kz
Анастасия Букова мен Аружан. © ktk.kz, patrul.kz

Алматы облысында екі қыз жоғалып кетті - 23 жастағы Анастасия Букова мен 16 жастағы Аружан.

Аружанның жоғалып кеткені жайлы "Дорожный патруль" хабарлап отыр. Аружан есімді қыз (2002 жылы 18 қаңтар) Қарасай ауданы Шамалған бекетінде жоғалып кеткен. Аружан үйден 28 қаңтарда шығып кетіп, сол күйі оралмаған.

"Жоғалып кеткен қыздың белгілері: бойы - 170-175 сантиметр, қара шашты, орта денелі. Үстінде жасыл күртке, қара түсті аяқкиім. Қара түсті рюкзакпен болды. Аружан жайлы қандай да бір мәлімет білетіндерден мына нөмірлер бойынша хабарласуды сұраймыз: 8 (702) 340 14 15, 8 (778) 008 80 77, 8 (702) 595 88 59 немесе 102", - делінген бағыттамада.

Ал екінші қыз 23 жастағы Анастасияның жоғалып кеткені жайлы КТК телеарнасы хабарлап отыр.

Телеарнаның мәліметінше, Анастасияның екі кішкентай баласы бар.  Ол 20 қаңтарда ауруханаға дәрігерге қаралуға кетіп, сол күйі оралмаған. Екі күннен кейін келіншек күйеуіне хабарласқан. Оған жұмыс тапқанын және жақын арада үйге қайтатынын хабарлаған. Бірақ нақты қай жақта екенін айтпаған. Туыстары Анастасияны біреулердің күштеп ұстап отырғанына сенімді.

"Хабарласып, барлығы жақсы, мейрамханада жұмыс істеп жүрмін. Бастапқыда қалада жұмыс істеп жүргенін айтты. Сосын Қапшағайдамын деді де асығып телефонды қоя салды", - дейді Анастасияның күйеуі Сергей Буков.

Күйеуінің айтуынша, Анастасия балаларын ешқашан осылай ұзақ уақытқа тастап кетпеген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай