Алматы түбінде табылған баланың әкесіне қатысты сот отырысы басталды

26 Желтоқсан 2018, 16:15
0
Алматы түбінде табылған баланың әкесіне қатысты сот отырысы басталды -

Алматының қылмыстық істер жөніндегі мамандандырылған ауданаралық сотында Шығыс айналма автожолында өз баласын таспен ұрған ер адамға қатысты сот отырысы басталды, - деп хабарлайды Tengrinews.kz тілшісі.

Сот алдына Мұрат Асқароғлы келді. Осыған дейін ер адамның ҚР Қылмыстық кодексінің 106-бабы бойынша ("Денсаулыққа қасақана ауыр зиян келтiру") айыпталып жатқаны хабарланған еді. Алайда кейінірек ол баптың ауыстырылғаны (99-баптың 3-бөлігі "Кінәлі адамға дәрменсiз күйде екенi көрінеу белгiлi адамды, сол сияқты адамды ұрлаумен не кепілге алумен ұштасқан") белгілі болды.

Асқароғлының адвокаты Нұрлан Үстеміров істің қайта квалификацияланғанын білмегенін айтады. Адвокат іс материалдарымен танысуға уақыт беруді сұрады. Сондықтан сот отырысы басқа күні өтеді.

"Көрпеге орап, ағаш түбіне тастап кеткен". Алматы маңында баланы көлік қағып кетті

Еске салайық, 2018 жылдың шілдесінде Алматыдағы Шығыс айналма автожолында ессіз күйде табылған 4 жасар Мұхамад Асқароғлыны өз әкесі таспен ұрғаны анықталған еді. Баланың әкесі Мұрат Асқароғлы бұл қылмысты өзі жасағанын мойындап, мас күйде болғанын айтқан болатын.

Кейінірек ол сотта санкция жайлы айтылып жатқанда жылап жіберген еді. 1985 жылғы ер адамның бетон зауытында жұмыс істейтіні белгілі. Үйленген, екі ұлы бар. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай