Алматыда автобус жүргізушісі жаяу жүргіншіні қағып өлтірді 28 қараша 2021, 11:24
Алматыда автобус жаяу жүргіншіні қағып кетті, - деп хабарлайды Tengrinews.kz тілшісі Алматы ПД баспасөз қызметіне сілтеме жасап.
Қала полициясының мәліметінше, 27 қарашада сағат шамамен 20.20-да Yutong маркалы автобусының жүргізушісі Жұмабаев көшесімен шығыс бағытта жүріп бара жатып, Жансүгіров көшесінің шығысына қарай Жұмабаев көшесінде жолдың жүруге болмайтын бөлігінен өтіп бара жатқан жаяу жүргіншіні қағып кеткен.
"Жол-көлік оқиғасы салдарынан 40-45 жас аралығындағы белгісіз жаяу жүргінші оқиға орнында қаза тапты. Аталған дерек ҚР ҚК 345-бабы 3-бөлігі бойынша соталды тергеп-тексерудің бірыңғай тізілімінде тіркелді. Сараптама тағайындалды", - деді Алматы қаласы ПД Анықтау басқармасы басшысының орынбасары полиция полковнигі Салтанат Хишанло.
Сілтемесіз жаңалық оқисыз ба? Онда Telegram желісінде парақшамызға тіркеліңіз!