Алматыда өндірістік альпинист 12-қабаттан құлап, қаза болды, - деп хабарлайды Tengrinews.kz тілшісі.
Қайғылы оқиға 3 желтоқсанда Төле би көшесіндегі тұрғын үй кешендерінің бірінде болған. Қайтыс болған альпинист 27 жаста еді.
Алматы Полиция департаменті еңбек қорғау ережелерінің бұзылуы дерегі бойынша қылмыстық іс қозғалғанын хабарлады.
"Оқиғаның басқа да мән-жайын анықтауға бағытталған тергеу шаралары кешені жүргізіліп жатыр", - деп мәлімдеді ведомство.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
