1. Басты
  2. Біл
  3. Оқиға
  4. Тосын жай

Алматыдан 203 шақырымда жер сілкінісі болды

©REUTERS ©REUTERS

Қазақстан мен Қырғызстан шекарасында магнитудасы 3,8 болатын жер сілкінісі тіркелді, - деп хабарлайды Tengrinews.kz тілшісі ҚР БҒМ Ғылым министрлігіне қарасты Сейсмологиялық тәжірибе-әдістемелік экспедициясына сілтеме жасап.

Жерасты дүмпулері 18 тамызда Астана уақыты бойынша сағат 03.53-те тіркелген. Оның эпицентрі Алматыдан оңтүстік-шығысқа қарай 203 шақырым қашықтықта, бес шақырым тереңдікте анықталды. Энергетикалық класы 8,6-ға тең. Жер сілкінісінің әсері туралы мәлімет жоқ.

Еске салайық, 16 тамызда Алматыдан 41 шақырым қашықтықта 5,2 магнитудалы жер сілкінісі болған еді. СТӘЭ мамандарының мәліметінше, 4-5 балл болатын жер сілкінісі жергілікті уақыт 03.42-де болған. Тербеліс эпицентрі Қазақстан аумағынан, 10 шақырым тереңдіктен анықталды. Энергетикалық класы - 12.