Автобустың әйнегін сындырған астаналық тұрғын 15 тәулікке қамауға алынды , - деп хабарлайды Tengrinews.kz тілшісі ІІМ баспасөз қызметіне сілтеме жасап.
Оқиға 16 қарашада таңғы сағат 05:50-де болған.
"Иманов көшесінде ер адам автобустың алдыңғы әйнегін сындырды. Елорда полицейлері құқық бұзушыны дереу ұстады. Ол қаланың 34 жастағы тұрғыны болып шықты", - делінген хабарламада.
Ер адам "ұсақ бұзақылық" бабы бойынша әкімшілік жауапкершілікке тартылып, Астана қаласының мамандандырылған ауданаралық әкімшілік сотының шешімі бойынша 15 тәулік мерзімге қамауға алынды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
