1. Басты
  2. Біл
  3. Оқиға
  4. Тосын жай

Астанада №27 мектептің оқушылары мен ұстаздары эвакуацияланды10 желтоқсан 2015, 16:54

Иллюстрация © Тengrinews.kz Иллюстрация © Тengrinews.kz

Астанада №27 мектептің оқушылары эвакуацияланды, - деп хабарлайды Tengrinews.kz тілшісі елордалық ІІД баспасөз қызметіне сілтеме жасап.

Баспасөз қызметінің мәліметінше, Астана ІІД жедел басқару орталығына белгісіз біреуден №27 мектепке жарылғыш зат қойылды деген хабар келіп түскен.

Оқиға орнына жедел қызмет мамандары мен Астана ІІД жедел-тергеу тобы жетті. Кинологтар мектеп пен оның аумағын тексеріп шықты.

Сонымен қатар, полиция қызметкерлері мектепті қоршауға алып, 900-ден аса адамды эвакуациялады - олар оқушылар мен мектеп қызметкерлері. Тексеру барысында жарылғыш зат қойылды деген ақпарат расталмады.

Еске сала кетейік, бұған дейін Астанада вокзал қоршауға алынған болатын.