Астанада дәмханада газ баллоны жарылды, зардап шеккендер бар, - деп хабарлайды Tengrinews.kz тілшісі ТЖМ баспасөз қызметіне сілтеме жасап.
Ведомство мәліметінше, төтенше жағдай Алматы ауданындағы Ақыртас көшесінің бойында болған. 2 қабатты тұрғын үйге жапсарлас салынған дәмханада газ баллоны жарылып, салдарынан опырылып, ғимарат жанып кеткен.
"Шамамен 60 шаршы метр аумақта ғимарат опырылды, өрт алаңы - 15 шаршы метр. Өрт сөндірілді", - деп жазылған хабарламада.
Зардап шеккен 6 адам жедел жәрдем қызметкерлеріне тапсырылды.
ТЖМ күштері қауіпсіз жерге көлемі 50 литр болатын тұрмыстық 4 газ баллонды шығарды. Оқиға орнында ТЖМ қызметкерлері үйінділерді бұзып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!