Астанада жол реттеуші полицейді Lexus жүргізушісінің соққан сәт түсірілген видео пайда болды, - деп хабарлайды Tengrinews.kz тілшісі.
Instagram желісіндегі vastane.kz парақшасында жарияланған видеода көліктің тәртіп сақшысын соққан сәтін көруге болады. Полицей соққыдан бірнеше метрге ұшып кеткен.
"Бүгін таңғы 9 шамасында Мәңгілік ел даңғылы мен Бұхар жырау көшесінің қиылысқан жерінде жол-көлік оқиғасына байланысты анықтау шарасы жүріп жатыр. Lexus жүргізушісі жолдың мұзтайғақ болуына байланысты тізгінге ие бола алмай, қиылыста жол қозғалысын реттеп тұрған полицейді қағып кетті", - деді полиция өкілдері.
Полицей дене жарақатын алған, ол ауруханаға жеткізілді.
