Атырау облысы Жылыой ауданында Құлсары - Теңіз тасжолында жантүршігерлік жол апаты болды, - деп хабарлайды "Мой ГОРОД".
Жол-көлік оқиғасының суреттері мен видеолары Instagram желісіндегі zello_atyrau аккаунтында жарияланды. Қарама-қарсы бағытта келе жатқан цистернасы бар жүк көлігі мен ВАЗ-2106 автокөлігі соғысқан. Апаттан жеңіл көлік жүргізушісі қаза тапқан. Жол апатының мән-жайын Жылыой АІІБ қызметкерлері анықтап жатыр. Облыстық ІІД-нің баспасөз қызметі жол апаты туралы мәлімдеме таратқан жоқ.
Жылыой аудандық орталық аурухананың хирургия бөлімінің жетекшісі Қуанышқали Өтегеновтің айтуынша, жол апатынан зардап шеккендер ауруханаға түспеген.
