1. Басты
  2. Біл
  3. Оқиға
  4. Тосын жай

Ауылда іші пысып, Алматыға қашып кеткен қыз отбасына қайтарылды

© pexels.com © pexels.com

Талғар полициясы Алматыда үйінен қашып кеткен мектеп оқушысын тауып, ата-анасына қайтарды, - деп хабарлайды Tengrinews.kz тілшісі.

Алматы облыстық ІІД баспасөз қызметіндегілер 15 қарашада Талғар аудандық ІІБ-не Бесағаш ауылында тұратын ерлі-зайыптының қызы жоғалып кеткені жайлы хабарлағанын айтты.

ІІД мәліметінше, қыз бір тәулік бұрын жоғалып кеткен. Ата-анасының айтуынша, ол осыған дейін бұлай жасамаған. Осыған байланысты аудандық полициядағылар жоғалып кеткен мектеп оқушысын іздестіру жұмыстарын жүргізді.

"Іздестіру щаралары барысында 15 жастағы мектеп оқушысы Алматыдағы ойын-сауық саябақтарының бірінен табылды. Қыз аман-есен, үйіне қайтарылды. Қыздың айтуынша, ол үйден іші пысқандықтан кетіп қалған", - деп хабарлады облыстық полицияның өкілдері.