+7 (777) 001 44 99
ПОДЕЛИТЬСЯ
Батыс Қазақстан облысы Ақжайық ауданы әкіміне Орал-Атырау тас жолындағы үш адам қаза тапқан апат үшін сөгіс жарияланды. Сондай-ақ, ветеринария басқармасының басшысы Серік Нұрмағамбетовке қатысты қызметтік тергеу жүргізіледі, - деп хабарлайды Tengrinews.kz тілшісі.
Батыс Қазақстан облысы Ақжайық ауданы әкіміне Орал-Атырау тас жолындағы үш адам қаза тапқан апат үшін сөгіс жарияланды. Сондай-ақ, ветеринария басқармасының басшысы Серік Нұрмағамбетовке қатысты қызметтік тергеу жүргізіледі, - деп хабарлайды Tengrinews.kz тілшісі.
БҚО әкімдігінде автожол қауіпсіздігі мәселелері қаралған кеңес өтті. Полиция департаменті бастығының орынбасары Жанболат Жаншин 16 мамырда Орал-Атырау тасжолында болған жол-көлік оқиғасы туралы баяндады.
"Ақжайық ауданындағы Орал-Атырау тасжолының 75-ші шақырымында бір отбасыдан: әкесі, ұлы және немересі қаза тапты. Тағы екі адам жарақат алды. ВАЗ 2113 автокөлігі түнде қараусыз жүрген екі жылқыны қағып кетті", - деді полицей.
БҚО әкімі аудан әкімдеріне республикалық жолдарда қауіпсіздікті қамтамасыз ету бойынша қатаң шаралар қабылдау туралы ескерткенін айтты.
"Аудан әкімі Қалияр Айтмұхамбетовке сөгіс жариялаймын. Сондай-ақ, ветеринария басқармасының жұмысы нашар екенін ескертемін. 2020 жылы жанурлармен болған 49 апаттың 43-інде мал иелері анықталмаған. Ветеринария басқармасының басшысына қатысты қызметтік тергеу жүргізіледі", - деді Ғали Есқалиев.
Айта кетейік, биыл наурызда Сырым ауданының әкімі Төлеген Төреғалиев сөгіс алған болатын. Оған Самара-Шымкент тасжолындағы апат себеп болған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
