Астана қалалық Денсаулық сақтау басқармасындағылар "Керуен" сауда орталығының маңында болған жол апатынан зардап шеккен қыздың жағдайы туралы айтып берді, - деп хабарлайды Tengrinews.kz тілшісі.
Астана қалалық Денсаулық сақтау басқармасындағылар "Керуен" сауда орталығының маңында болған жол апатынан зардап шеккен қыздың жағдайы туралы айтып берді, - деп хабарлайды Tengrinews.kz тілшісі.
"Бас миы шайқалып, оң жақ маңдайы жарақаттап алған. Маңдайын ұрып алған. Оң бұғанасы үгіліп, сол бүғанасы сынған. Кеудесінен ауыр соққы алған. Сол жағының 3,4,5,6-шы қабырғалары сынып, қозғалып кеткен. 1-2 деңгейлі шок алған", - деп хабарлады басқармадағылар.
Сондай-ақ, ведомстводағылардың мәліметінше, қызға ота жасалды. Қазіргі уақытта оның жағдайы ауыр деп бағаланып отыр. Қыз жансақтау бөлімінде жатыр.
Еске сала кетейік, осыған дейін Астанада Infiniti жүргізушісінің үш жаяу жүргіншіні қағып кеткені хабарланған болатын. Полиция мәліметінше, зардап шеккендердің бірі - 25 жастағы қыз алғашқы көмек көрсетілген соң үйіне жіберілді. Ал Infiniti жүргізушісі мен 24 жастағы қыз ауруханаға жеткізілген болатын.