-
Басты
-
Біл
-
Оқиға
-
Тосын жай
Жамбыл облысындағы көлік апатына автобус жүргізушісі кінәлі
03 наурыз 2014, 17:20
VanHool маркалы жолаушылар автобусының жүргізушісі қарсы бағытқа шығып кетіп, шағын автобусты соққан.
-
Vkontakte
-
Facebook
-
Twitter
-
Одноклассники
-
Telegram
Новостью поделились: человек
- Қате таптыңыз ба?
- Оны таңдап, Ctrl + Enter пернелерін басыңыз
©Tengrinews.kz
Жамбыл облысында болған жол-көлік оқиғасына VanHool автобусының жүргізушісі кінәлі, бұл туралы Tengrinews.kz облыстық ішкі істер департаменті мамандарына сілтеме жасап хабарлайды.
"2014 жылдың 2 наурызында шамамен сағат 21.12-те Алматы - Ташкент автожолының 175-шақырымында Оңтүстік Қазақстан облысының VanHool маркалы жолаушылар автобусының жүргізушісі Алматыдан Шымкентке қарай келе жатып, қарсы бағытқа шығып кетеді де, Бішкектен Алматыға қарай келе жатқан Mercedes Benz шағын автобусымен соқтығысқан", - делінген облыстық департаменттің хабарламасында.
Оқиға орнында тоғыз адам қайтыс болды, оның біреуі - шағын автобустың жүргізушісі. Қайтыс болғандардың бәрі - Қырғызстан азаматтары. Көлік апатынан тағы 11 адам жарақат алып, ауруханаға түсті.
Апат салдарын жоюға жергілікті төтенше жағдайлар қызметінің жеке құрамының алты маманы мен бір техникасы және Трассалық дәрігерлік-құтқару тұрағының үш қызметкері мен бір техникасы жұмылдырылды. Жамбыл облыстық ішкі істер департаменті мамандарының хабарлауынша, алдын ала мәліметке қарағанда, сол күні сағат 20.00-ке дейін тас жол құрғақ әрі қанағаттанарлық жағдайда болған. Жол-көлік оқиғасы дерегі бойынша қылмыстық іс қозғалып, тергеу жүргізіліп жатыр.