Жезқазғанда автобус өртеніп кетті: Жүргізуші мен кондуктор күйіп қалды

19 Қазан 2017, 10:35
0
Жезқазғанда автобус өртеніп кетті: Жүргізуші мен кондуктор күйіп қалды - видеодан үзінді
видеодан үзінді

Жезқазғанда автобус түгі қалмай өртеніп кетті. Зардап шеккен ер адамдар қатты күйіп қалған. Олар жергілікті ауруханаға жеткізілді, - деп хабарлайды Tengrinews.kz тілшісі. 

Куәгерлердің айтуынша, автобус кешкі уақытта аурухана кешенінің ауданында өртенген. "ПАЗ" маркалы автобустың өртенгені туралы мәлімет өрт сөндіру қызметінің кезекші бөліміне 19:19-да түскен. Өрт болған уақытта қоғамдық көліктің ішінде жолаушылар болмаған. 

Өрт салдарынан күйіп қалған 1995 жылғы жүргізуші мен 1994 жылғы кондуктор Жезқазған ауруханасына жеткізілді. Өрт 19:40-та сөндірілді. Өрт аумағы - 12 шаршы метр. 

"Өрт сөндіруге Қарағанды облыстық ТЖД апатты құтқару жұмыстары және өрт сөндіру қызметіндегі жеке құрамның 11 адамы мен арнайы үш техника жұмылдырылды", - деді облыстық ТЖД баспасөз қызметі. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай