Қарағандыда асфальт опырылып, автобус шұңқырға түсіп кетті

12 Сәуір 2017, 14:45
0
Қарағандыда асфальт опырылып, автобус шұңқырға түсіп кетті - Куәгерлер жолдаған сурет
Куәгерлер жолдаған сурет

Қарағандыда № 31 бағыттағы автобус "Кольцевая" аялдамасының маңында асфальттың астына түсіп кеткен, - деп хабарлайды Tengrinews.kz тілшісі.

"Таңертең біз маршрут бойынша келе жатқанда жолдың шетінде көлік тұрды. Ол да сол жерде асфальттың астына түсіп кете жаздаған сияқты. Мен оны айналып өтпек болып, сол жақпен жүре бастадым, бірақ бір сәтте асфальттың опырылып бара жатқанын сездім. Автобусты 4 сағат бойы шығардық. Шұңқырда кәріз құбырлары болған", - дейді автобус жүргізушісі Алтынбек Оралов.

Алтынбек Оралов бес жыл бойы жүргізуші болып жұмыс істейді екен. 13-ықшамаудандағы жолдың нашар екенін айтып өтті. Оның айтуынша, бұл көше өткен жылы жөндеуден өткен, алайда қазіргі уақытта оған сену қиын болып тұр.

"Кімнің кінәлі екенін анықтайтын боламыз. Жолды жөндеген компания сапасыз асфальт төсеген болуы мүмкін. Сондай-ақ, осында жер жұмыстарын жүргізген қызметкерлер де кінәлі болуы мүмкін", - деді қалалық Тұрғын-үй коммуналдық шаруашылық бөліміндегілер.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай