Қостанайдағы өрт: қару-жарақ дүкені директоры Нұр-Сұлтанға жеткізілді 06 қыркүйек 2022, 17:50
Қостанайда өрттен зардап шеккен "Оружейная палата" қару-жарақ дүкені директоры санитарлық авиациямен Нұр-Сұлтанға жеткізілді, - деп хабарлайды Tengrinews.kz тілшісі "Костанайские новости" басылымына сілтеме жасап.
Қостанай облысының Денсаулық сақтау басқармасы мәліметінше, санитарлық авиация желісі арқылы дүкендегі өрттен зардап шеккен ер адам Нұр-Сұлтандағы көпбейінді ауруханалардың біріне жеткізілген.
Дүкен директорының жағдайы тұрақты ауыр екені атап өтілді. Денесінің 50 пайызын күйік шалған науқасты емдеу жалғасып жатыр.
Еске салайық, 3 қыркүйекте Назарбаев көшесіндегі "Оружейная палата" дүкенінде өрт шыққан болатын. Жақын маңда тұрған көліктер де өрттен зардап шеккен. Сонымен қатар, сегіз жекеменшік үй өртеніп кетті.
Қару-жарақ дүкеніндегі жарылыс: қаза тапқандардың аты-жөні белгілі болды
Сілтемесіз жаңалық оқисыз ба? Онда Telegram желісінде парақшамызға тіркеліңіз!
- ПОДЕЛИТЬСЯ