Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Маңғыстау тұрғыны полицеймен болған жанжалды камераға түсірді

01 Тамыз 2014, 21:11
0
Бейнежазба кадры.
Бейнежазба кадры.

"Лада" интернет-басылымы Маңғыстау облысы тұрғыны мен жол полицейінің жанжалы түсірілген бейнероликті жария етті. Бейнежазбадан полицейдің (иық белгісіне қарағанда - капитан) камераға түсіріп тұрған ер адамға ашуланып, оны бірнеше рет қағып-соққанын көруге болады.

Кадр сыртындағы дауысқа қарағанда, полицей жеке аумаққа баса-көктеп кірген. Содан кейін тәртіп сақшысы машинадан шығып, ер адамның қолындағы ұялы телефонды тартып алуға әрекеттенеді. Ролик авторы өзінің жыртылған көйлегін көрсетеді. Содан кейін полицейдің тағы соққы жасағаны естіледі де, видео үзіледі. 

Маңғыстау облыстық ішкі істер департаментінің баспасөз қызметі ролик авторының жол ережесін бұзғаны үшін 11 рет жауапқа тартылған Маңғыстау облысының тұрғыны екенін хабарлады. Полицияның мәліметінше, жанжалға ер адамның кезекті рет ереже бұзғаны себеп болды.

"Маңғыстау облыстық ІІД Әкімшілік полиция басқармасының жол-патруль полициясы ротасының инспекторлары патрульдеу кезінде Ақтау - Жетібай - Жаңаөзен тас жолының 135-шақырымында Toyota Camry автокөлігінің Жаңаөзен қаласына қарай жылдамдықты асырып кетіп бара жатқанын байқайды. Полиция қызметкерлерінің тоқта деген талабына құлақ аспаған жүргізуші жүрісін жалғастыра береді. Дыбысзорайтқышпен бірнеше рет айтылған ескертпеге қарамастан, заңбұзушы жасырынуға әрекеттеніп, "Арай" ықшамауданындағы тұрғын үй алабына бет түзеген. Тұрғын үйдің ауласына кірген ол қақпаны жауып алуға әрекет жасайды. Соған байланысты полиция қызметкерлері өз көліктерін үй қақпасына тақап, қақпаны жапқызбады. Бұдан соң заңбұзушы әкімшілік жауапкершіліктен қашу үшін полицейлерді бейнежазбаға түсіріп, оларды жеке мүлікке қол сұқты деп арандатуға талпынды", - делінген департаменттің баспасөз қызметінің мәлімдемесінде.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай