Маңғыстау облысының Қарақия аудандық Жетібай ауылында үш баланың 26 жастағы әкесін асылып қалған күйі оның туыстары тауып алған, - деп хабарлайды "Лада" басылымы.
Оқиға орнына келген тәртіп сақшылары қаза болған адамның денесінде мойнындағы асылу іздерінен басқа жарақат болмағанын анықтады. Полицейлерлер осыған байланысты ер адам өзін-өзі өлтірді деген тұжырымға келіп отыр.
Қаза болған азамат өлім алдындағы хатын қалдырмады, болған оқиғаның мән-жайы анықталып жатыр.
Сонымен қатар, басылымның мәліметінше, Ақтаудағы 28 ықшамауданында 38 жастағы тағы бір ер адам асылып қалған. Оның денесінде де зорлық іздері анықталмады. Болған оқиға дерегіне байланысты сот-медициналық сараптама тағайындалды. Тергеу амалдары жүргізіліп жатыр.
