+7 (777) 001 44 99
ПОДЕЛИТЬСЯ
Қызылордада екі баласын қараусыз қалдырған қызылордалық әйел ата-ана құқығынан айырылуы мүмкін, - деп хабарлайды Polisia.kz.
Қызылордада екі баласын қараусыз қалдырған қызылордалық әйел ата-ана құқығынан айырылуы мүмкін, - деп хабарлайды Polisia.kz.
2021 жылы 3 ақпанда Қызылорда қаласындағы білім беру ұйымдарының біріне 1979 жылы туған азаматша масаң күйде келіп, мекемедегілердің мазасын алған. Бұл дерек бойынша әйел адамға қатысты Қазақстан Республикасы ӘҚБтК-нің 440-бабымен (Алкогольдік ішімдіктерді iшу немесе қоғамдық орындарға масаң күйде келу) әкімшілік хаттама толтырылып, ол уақытша бейімдеу және детоксикация орталығына орналастырылды.
"Мектеп әкімшілігі мен тәртіп сақшылары азаматшаның тұрғылықты мекенжайын тексеру барысында жоғарыда көрсетілген азаматшаның кәмелетке толмаған екі баласының қараусыз, әрі қадағалаусыз қалғанын анықтады. Осыған орай, әйелдің кәмелетке толмаған алты жастағы қызы облыстық кәмелетке толмағандарды бейімдеу орталығына, бір жарым жастағы қызы көпбейінді балалар ауруханасына орналастырылды. Тексеру барысында 42 жастағы азаматшаға қатысты әкімшілік құқық бұзушылық жасағаны үшін үш рет хаттама толтырылғандығы анықталды", - делінген хабарламада.
Бүгінде Қызылорда қалалық Полиция басқармасының қызметкерлері әйел адамды ата-аналық құқығынан айыру немесе шектеу мәселесін шешу үшін қала әкімі жанындағы кәмелетке толмағандар істері және олардың құқықтарын қорғау жөніндегі комиссия отырысына құжаттар жинақтап жатыр.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
