Нұр-Сұлтанда жолаушылар автобусы қарсы жолаққа шығып кетіп, басқа автобуспен соқтығысты, - деп хабарлайды Tengrinews.kz тілшісі.
CTS көлік компаниясының баспасөз қызметі мәліметінше, жол апаты 26 қарашада сағат 10.50-де Байсейітова көшесінің бойында Шақпақ аялдамасы маңында болған.
"№20 бағыттағы автобус жүргізушісі рөлді басқара алмай, қарсы жолаққа шығып кетіп, нәтижесінде №39 бағыттағы автобуспен соқтығысқан.
Оқиға орнына келген полиция қызметкері №20 автобус жүргізушісіне хаттама толтырды, іс материалдары процессуалдық шешім қабылдау үшін анықтау бөліміне жіберіледі. Жүргізуші жол қозғалысы ережесін бұзу деректерін тіркеу журналында көрсетілмеген, жолаушылар көлігін жүргізу бойынша 5 жылдық тәжірибесі бар. Рейс алдындағы медициналық тексеруден өту уақыты - 6.00, желіге шығуға рұқсаты бар", - деді CTS өкілі.
Компания мәліметінше, 1961 және 1954 жылы туған екі жолаушы әйел дене жарақатымен ауруханаға жеткізілген.
Жүргізушілерді автопарк басшылығы жұмыстан шеттетіп, іс тәртіптік кеңеске жіберілетіні айтылды.
Посмотреть эту публикацию в Instagram
Сілтемесіз жаңалық оқисыз ба? Онда Telegram желісінде парақшамызға тіркеліңіз!
