Оңтүстік Қазақстанда екі полицей жол апатынан қаза тапты

12 Қазан 2015, 15:00
0
Оңтүстік Қазақстанда екі полицей жол апатынан қаза тапты - © Тұрар Қазанғапов
© Тұрар Қазанғапов

Оңтүстік Қазақстанда екі полицей жол апатынан қаза тапты, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Сайрам ауданы Құтарыс ауылының маңында, Шымкент - Шаян автожолында 12 қазан күні сағат 08.00 шамасында "Тойота-Камри" автокөлігінің 20 жастағы жүргізушісі жолдың қарсы бағытына шығып, "Тойота-Карина" көлігіне соғылды.

"Жол апатының салдарынан "Тойота-Карина" автокөлігінің жүргізушісі мен көліктегі жолаушы оқиға орнында көз жұмды. Қаза тапқандар - ОҚО ІІД офицерлері, олар қызметтік іссапарға кетіп бара жатқан", - деп хабарлады баспасөз қызметіндегілер.

Ережені бұзған жүргізуші мен көлікте болған жолаушы түрлі жарақатпен ауруханаға жеткізілді. Жол апатына кінәлі азаматқа қатысты ҚР ҚК 345-бабы - "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бойынша қылмыстық іс қозғалды. Сотқа дейінгі тергеу басталып, сараптамалар тағайындалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай