+7 (777) 001 44 99
Қазақша
Русский
English
Өскеменде былтыр қазанда із-түссіз жоғалып кеткен Михаил Скоснягиннің денесі өзен жағасынан табылды, - деп хабарлайды Тengrinews.kz тілшісі YK-news.kz сайтына сілтеме жасап.
36 жастағы Скоснягин 2018 жылы 23 қазанда жоғалып кеткен болатын. Одан бір күн бұрын Алтай ауданындағы Ново-Крестьянка ауылының тұрғыны жалақысын алып, көрші ауылдағы дүкенге атпен кетіп қалған. Келесі күні ат қожайынсыз үйге оралған.
Скоснягиннің әпкесі Татьяна сол күні бауырының ауыл дүкеніне барып, бірнеше рет спирттік ішімдіктер сатып алғанын анықтаған. Іздеу шаралары нәтиже бермеген еді.
"12 сәуірде ол кеткен Соловьево ауылын кезекті рет қарап шыққан едік. Оны өзен жағасынан таптық", - деді Татьяна.
Алтай ауданы полиция бөлімі басшысының орынбасары Рустам Надыровтың айтуынша, Скоснягиннің денесінде зорлық-зомбылық белгілері болмаған. Оның қалтасынан ұялы телефон мен 12 мың теңге табылған. Қазір тергеу жүріп жатыр.
