Өскеменде сұйық май өндіретін зауыт өртеніп жатыр, - деп хабарлайды Tengrinews.kz тілшісі.
Шамамен таңғы 11:00-де Пристань ауданының тұрғындары сұйық май өндіруші зайыт аумағынан қара түтін будақтап жатқанын көрген. Кейінірек оқиға орнына өрт сөндіру техникасы жұмылдырылды.
Облыстық ТЖД өкілдері өрттің неден шыққанын және өрт аумағын айта алмады. Қазіргі уақытта құтқарушылар оқиға орнында жұмыс істеп жатыр екен. Зардап шеккендер туралы мәлімет жоқ.
