07 сәуір 2022 09:11

Павлодар облысында жол апатынан үш адам қаза тапты

Жансая Қадыржанова Корреспондент

ПОДЕЛИТЬСЯ

© elements.envato.com © elements.envato.com

Павлодар облысында жол апатынан үш адам қаза тапты, тағы екеуі ауыр жарақат алды, - деп хабарлайды Tengrinews.kz тілшісі.


Павлодар облысында жол апатынан үш адам қаза тапты, тағы екеуі ауыр жарақат алды, - деп хабарлайды Tengrinews.kz тілшісі.

Жол апаты 6 сәуірде түстен кейін болған. Екібастұздан 30 шақырым жерде көлік жыраға түсіп кеткен.

Денсаулық сақтау басқармасының мәліметінше, 103-ке шақырту жергілікті уақыт бойынша сағат 16.15-те түскен. Оқиға орнына екі жедел жәрдем көлігі және апаттар медицинасы орталығының бригадасы жіберілген.

Келген дәрігерлер 1976 жылы туған ер адам, 12 жастағы қыз және 50-55 жас аралығындағы белгісіз әйел қайтыс болғанын анықтаған.

"Жол-көлік оқиғасы салдарынан Алматының 32 жастағы тұрғыны жабық бас сүйек-ми жарақатын алды. Оның бас миы шайқалып, кеуде қуысы соғылып, құлағы жарақаттанған. Екінші 43 жастағы зардап шеккен адамға бас миының шайқалуы, бас сүйек-ми жарақатынан басқа, жамбастың жабық сынуы диагнозы қойылды. Олар Екібастұз қалалық ауруханасында жансақтауда жатыр. Науқастардың жағдайы ауыр", - деді Павлодар облысының Денсаулық сақтау басқармасы өкілі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети