Павлодар облысында мас полицей бес көлікті соқты

21 Тамыз 2017, 12:56
0
Павлодар облысында мас полицей бес көлікті соқты -

Павлодар облысында мас полицей бес көлікті соқты, - деп хабарлайды Tengrinews.kz тілшісі.

Оқиға Павлодар облысы Ақсу ауданында орналасқан көпқабатты үйлердің бірінің ауласында болған. Куәгерлер оқиғаның видеосын "ВКонтакте" әлеуметтік желісінде жариялады. Видеоның сипаттамасында 5 көліктің бүлінгені айтылады.

Куәгерлердің айтуынша, жол-көлік оқиғасын жасаған адам өз көлігінен шыға алмай қалған. Жүргізушіні шығару үшін полицейлерге көліктің есігін сындыру керек болған.

Павлодар облыстық ІІД баспасөз қызметіндегілер жүргізушінің жергілікті полиция қызметкері екенін растады.

"Полиция капитаны Айтқазин Мақсат еңбек демалысында бола тұра мас күйінде Toyota Camry көлігімен үйдің ауласына кіріп кетіп, тұрақта тұрған көліктерді соғып өткен. Осы дерек бойынша қызметтік тергеу жүргізіліп жатыр. Полиция қызметкерін ішкі істер органдарынан жұмыстан шығару мәселесі қарастырылып жатыр", - деп хабарлады Павлодар облыстық ІІД баспасөз қызметіндегілер.

Сондай-ақ, полициядағылар қызметкердің басшылығы әкімшілік жауапкершілікке тартылатынын айтты.

Өңірлік департаменттің баспасөз қызметіндегілер осы дерек бойынша әкімшілік хаттаманың толтырылғанын хабарлады. Іс материалдары сотқа жолданды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай