1. Басты
  2. Біл
  3. Оқиға
  4. Тосын жай

Павлодарда итті жол бойымен сүйреген жүргізуші іздестіріліп жатыр27 тамыз 2020, 13:01

Видеодан алынған кадр Видеодан алынған кадр

Павлодарда итті көлікке байлап сүйреген жүргізуші іздестіріліп жатыр, - деп хабарлайды Tengrinews.kz тілшісі.

Итті сүйреген жүргізушінің видеосы Telegram желісінде жарияланды. Желі қолданушыларының көбі жүргізушінің бұл әрекетін нағыз қорлау екенін жазып жатыр.

"Бұл не деген масқара, итті көлікке байлап сүйреп жүр. Артында басқа да көліктер келе жатыр", - дейді роликтің авторы.

Полиция өкілдері бұл видеоға қатысты пікір білдірді.

"Бұл дерек тіркеліп, тексеріс жүргізіліп жатыр. Полицейлер шара қолдану үшін жүргізушінің аты-жөнін анықтайды", - деді Павлодар облысы полиция департаментінің баспасөз қызметіндегілер.

Қазақстан жаңалықтары. Соңғы жаңалықтар. Telegram желісінде бізге жазыл!