Қостанайда 15 жастағы жасөспірім іздестіріліп жатыр, - деп хабарлайды Alau.kz.
Михаил Сохань 12 ақпанда үйден кетіп, сол бойы оралмаған.
"Әжесіне хабарласып, келетінін айтқан. Телефонын үйде қалдырып кеткен. Бірақ әжесіне сол күйі бармады", - дейді жоғалып кеткен жасөспірімнің әпкесі Екатерина Шарифуллина.
"Белгілері: бойы 170 сантиметр, орта денелі, қоңыр шашты. Үстінде қара түсті спорттық күртке, көк аяқкиім, қара рюкзақ болды. Қандай да бір мәлімет білетіндерден мына нөмір бойынша хабарласуды сұраймыз: 8-747-523-99-29", - деп жазады басылым.
