Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Үйлену тойына келген қыздың өлімі мидағы ісіктен болған

20 Тамыз 2014, 20:31
0
©Даниал Оқасов
©Даниал Оқасов

Павлодарда үйлену тойына келген жеті жасар қыз баланың өліміне, алдын ала мәлімет бойынша, мидағы ісік себеп болған, - деп хабарлайды Tengrinews.kz тілшісі облыстық ішкі істер департаментінің баспасөз қызметіне сілтеме жасап.

"Сарапшылардың қорытындысына қарағанда, оның миында ісік болған. Қыз бала ештеңеден уланбаған, асқа қақалмаған. Ол аурудың салдарынан қайтыс болды. Ол жерде қылмыстың ізі жоқ. Материал кері қайтарылады", - деп хабарлады департамент мамандары.

Қыз бала тойда ата-анасымен болған. Той кортежі құрамында олар қаланың көрнекі орындарын аралап шыққан, бір кезде балдырған өзін жайсыз сезінеді. Павлодар облыстық денсаулық сақтау басқармасының мамандары қыз баланың өліміне нақты ненің себеп болғанын психологиялық сараптаманың нәтижесінен соң ғана жария ететінін хабарлады.

"Қыз бала созылмалы аурумен ауырмаған, ол диспансерлік есепте тұрмаған, биыл дәрігерлерге көрінбеген. Бұл жайт оның дені сау болғанын көрсетеді", - дейді денсаулық сақтау басқармасының мамандары.

Еске сала кетейік, бұл оқиға 15 тамызда болған еді. Павлодардағы жеке үйлердің бірінде өтіп жатқан той салтанаты кезінде қыз бала қайтыс болды. Ата-анасының айтуынша, ол ирис кәмпитін жеп, кока-кола ішкен. Содан кейін жағдайы нашарлаған. Қыз құлап қалып, есінен танады. "Жедел жәрдем" дәрігерлері той үстінде қыз баланың қайтыс болғанын тіркеді.

  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай