Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Үйінді астында қалған әйел үш күннен кейін құтқарылды

06 Тамыз 2014, 20:48
0

Қытайлық әйелді жер асты дүмпуінен үш күн өткеннен кейін қираған үйінділер арасынан босатып алды, - деп хабарлайды РИА Новости. Еске салайық, Қытайдағы жер сілкінісі 600-ге жуық адамның өмірін қиды.

Құтқарушылар 50 жастағы әйелді апаттан 67 сағат өткеннен кейін тауып алды. Ляо Тенцуй Иньпин ауылынан табылған. Ол ауыр жарақаттар алып, аяғын қимылдата алмаған. Дегенмен, есін біліп жатқан. Сондай-ақ оның қызы да зардап шекпеген, ол анасының қасында болып, құтқарушылар келгенге дейін анасына қолдау білдіріп отырған. Анасына қанша көмектескісі келгенмен қыз ешкімді көмекке шақыра алмайды. Себебі, жерсілкінісі ауылды байланыссыз қалдырған еді. Айта кетейік, бір күн бұрын Бабао елді мекенінде құтқарушылар 76 жастағы ер адам мен 88 жастағы әйелді үйінділер астынан шығарып алған болатын.

Еске салайық, 3 тамыз күні Қытайда жойқын жер сілкінісі болды. Магнитудасы 6,5 болатын жер сілкінісі Қытайдың оңтүстік-батысындағы Юньнань провинциясында тіркелген. Зілзаланың ошағы Чжаотун қаласынан 10 шақырым қашықтықта орналасқан. Жер асты дүмпулері 12 шақырым тереңдіктен байқалды. Соңғы деректер бойынша, 589 адам қаза болып, 2400 адам зардап шеккен. Оқиға болған аймақтан 240 мың адам қауіпсіз жерге көшірілді. Жер сілкінісінің салдарынан ондаған мың үй қирады. Телефон байланысы үзіліп, электр өткізетін желілер де бүлінген.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай