1. Басты
  2. Біл
  3. Спорт
  4. Футбол

5:0. Исламхан араб клубындағы алғашқы ойынында нәтижелі пас берді

Қазақстан құрамасының капитаны әрі алматылық "Қайрат" клубының экс-шабуылшысы Бауыржан Исламхан БАӘ чемпионатында "Әл-Айн" сапында бірінші ойынға қатысты, - деп хабарлайды Vesti.kz.

Қазақстандық футболшының командасы "Әл-Васла" клубын өз алаңында қабылдады. Қазақстандық футболшы алаңға 71-минутта есеп 3:0 ("Әл-Айн" пайдасына - авт. түсіндірмесі) кезінде шықты.

View this post on Instagram

A post shared by Vesti.kz - Живи спортом ???????? (@vestikzsport) on


View this post on Instagram

A post shared by Vesti.kz - Живи спортом ???????? (@vestikzsport) on


Исламхан алаңға шыққаннан кейін "Әл-Айн" тағы екі жауапсыз гол салды, нәтижесінде ойын 5:0 есебімен аяқталды. Сондай-ақ, алаң иелері бір ойыншыға кем ойнады. Қазақстандық футболшы ойын барысында нәтижелі пас шығарды.

View this post on Instagram

A post shared by Vesti.kz - Живи спортом ???????? (@vestikzsport) on


Келесі ойында "Әл-Айн" өз алаңында "Әл-Шардж" клубының ойыншыларын қабылдайды. 27 ұпай жинаған Исламханның командасы жалпы есепте екінші орында келеді, ал қонақтар 24 ұпаймен төртінші орында тұр. Ойын 7 ақпанда Нұр-Сұлтан уақыты бойынша 22:15-те басталады. 

"Әл-Айн" Исламханмен келісімшартқа отырғаны туралы 31 қаңтар жарияланды. Жаңа клубта қазақстандық сегізінші нөмірде өнер көрсетеді. Бауыржан Исламхан "Әл-Айн" футболшысы ретінде алғаш сұхбат беріп, жаңа клубпен жаттығу жасап үлгерді. Ол БАӘ чемпионатының ең қымбат ойыншыларының ондығына кірді.