"Астана" командасының Еуропа лигасының топтық кезеңіндегі қарсыластары анықталды, - деп хабарлайды Tengrinews.kz тілшісі.
48 команда жеребе тарту арқылы УЕФА-ның клубтық рейтінгіне сай 12 топқа бөлінді. Қазақстанның "Астана" клубы бұл жарыста испаниялық "Вильярреал", Израильдің "Маккаби" және чехиялық "Славия" клубтарымен ойнайды.
Еске салайық, "Астана" Чемпиондар лигасының плей-офф раундындағы қарымта мачта "Селтикті" 4:3 есебімен жеңген болатын. Дегенмен Чемпиондар лигасындағы жарысты ары қарай шотландиялық клуб жалғастырады. Өйткені екі ойын қорытындысы бойынша есеп 4:8 шотландиялықтар пайдасында.
