Apple компаниясы келесі жылы iPhone X смартфонына ұқсас тағы жаңа үш смартфон шығаруы мүмкін, - деп жазады Macrumors KGI Securities компаниясының сарапшысы Минг-Чи Куоға сілтеме жасап.
Оның болжауынша, жаңа екі модельде OLED-дисплей болады. Олардың диагональдары - 5,8 және 6,5 дюйм (458 және 480-500 пиксель) болады делінген. Ал үшінші модельде LCD-дисплейінің болатыны айтылады. Диагоналі - 6,1 дюйм (320-330 пиксель). Сарапшының айтуынша, үш смартфон да iPhone X гаджетіне ұқсас болады.
Сондай-ақ, жаңа смартфондарда True Depth камерасы болатыны айтылып отыр. Айта кетейік, сарапшы жаңа модельдердің бағасы 649-749 доллар аралығында болатынын айтады.
