Жаңа iPhone смартфонының қашан таныстырылатыны белгілі болды
Apple корпорациясы 12 қыркүйекте өтетін таныстыру рәсіміне шақыру қағазын таратып жатыр. Онда жаңа iPhone смартфонының таныстырылымы жайлы жазылған, - деп жазады The Verge.
Сондай-ақ, баспасөз конференциясы барысында iPhone 8 смартфонынан бөлек басқа екі смартфон көрсетіледі екен: iPhone 7s пен 7s Plus.
Басылымның мәліметінше, 12 қыркүйекте жаңа LTE-модульді Apple Watch, Apple TV мен HDR таныстырылып, iOS 11 жүйесі жайлы толығырақ айтылатын болады.
Айта кетейік, iPhone 8 смартфонының жаңа дизайні мен 5,8 дюймді экраны болады. Ресми емес дереккөздерге сүйенсек, Apple компаниясы енді саусақ іздерінің орнында қолданушының бетін тану функциясын қосады.