Мамандар iPhone-ның осал жерін тапты 28 шілде 2020, 15:13
Apple компаниясының смартфондары мен планшеттеріндегі процессордың осал жері анықталды. Бұл туралы Digitpol кибер қауіпсіздік агенттігі айтты, - деп хабарлайды РИА Новости.
Digitpol агенттігі бұл ақпаратты қытайлық Team Pangu бағдарламаны әзірлеушілер тобына сілтеме жасап хабарлайды.
Мамандардың пікірінше, мұндағы мәселе SEP (Secure Enclave Protection) процессорымен байланысты екен. Ол смартфон мен планшеттегі құпия ақпаратқа жауап береді. Оған құпия сөздер (пароль) мен биометриялық мәлімет те кіреді.
Құралдағы ақпаратты алу үшін Checkm8 эксплойты пайдаланылады. Ол автоматты түрде бұғаттау режимінен айналып өтіп, гаджеттегі құпия ақпаратты ашатын кодты табады.
Сарапшылардың пікірінше, хакер құралдағы ақпаратты алу үшін смартфонды қолына түсірсе жеткілікті.
Мамандар Apple компаниясының смартфондары мен планшеттеріндегі осалдықты бағдарламалық қамтамасыз ету деңгейінде жою мүмкін емес екенін айтады.
Қазақстан жаңалықтары. Соңғы жаңалықтар. Telegram желісінде бізге жазыл!