28 қаңтар 2017 22:14

Қазақстан хоккейшілері Қытайды 22:0 есебімен ойсырата ұтты

ПОДЕЛИТЬСЯ

Қазақстан хоккейшілері Алматыдағы Универсиаданың топтық кезеңін айқын жеңіспен бастады. Отандастарымыз Қытай елінің хоккейшілерін 22:0 есебімен ойсырата ұтты, - деп хабарлайды Vesti.kz.


Қазақстан хоккейшілері Алматыдағы Универсиаданың топтық кезеңін айқын жеңіспен бастады. Отандастарымыз Қытай елінің хоккейшілерін 22:0 есебімен ойсырата ұтты, - деп хабарлайды Vesti.kz.

Сергей Старыгин жаттықтыратын Қазақстан хоккейшілері бірінші кезеңді 9:0 есебімен аяқтады. Жанкүйерлер қолдауынан қуат алған отандастарымыз аянып қалмады. Әр шабуыл сайын қарсыластар қақпасына шайба тоғытумен болды. Владимир Гребенщиков (1-ші минутта), Әлихан Әсетов (2-ші минутта), Антон Сагадеев (5-ші минутта), Дмитрий Гренц (9-шы минутта), Владислав Никулин (10-шы минутта), Артем Бурделев (11-ші және 13-минутта), Кирилл Савицкий (12-ші минутта) және Мадияр Ыбрайбеков шайба соғып, мергендігімен көзге түсті.

Екінші кезеңде де Қазақстан хоккейшілері аянып қалмады. Қарсыластар қақпасына алты шайба тоғытып шықты. Артем Бурделев пен Алихан Асетов дубль орындаса, Антон Сагадеев пен Микхайл Рахманов бір-бір шайбадан еншілеріне жазды. Қытай хоккейшілері бір шайба соғуға ұмтылғанмен, нәтиже шықпады.

Қазақстан хоккейшілері үшінші кезеңді де жылдам шайба соғумен бастады. Кирилл Савитский ойыншы басымдығында қарсыластардың осал тұсын тапты. Одан кейінгі аралықта Артем Бурделев, Иван Степаненко, Константин Савенков, Микхайл Рахманов, Дмитрий Гренц, Ярослав Евдокимов бір-бір шайбадан соғып шықты.

Айта кетейік, Универсиаданың ресми түрде ашылу салтанаты 29 қаңтарда сағат 19:00-де басталады. Қазақстанның атынан спорттың 12 түрінен 171 спортшы қатысады.

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети