1. Басты
  2. Біл
  3. Жаңалықтар
  4. Ел жаңалықтары

2020 жылғы "Болашақ" стипендиясы иегерлерінің тізімі жарияланды19 қыркүйек 2020, 16:55

© Тұрар Қазанғапов © Тұрар Қазанғапов

"Болашақ" халықаралық стипендиясы иегерлерінің тізімі жарияланды, - деп хабарлайды Tengrinews.kz тілшісі ҚР Бiлiм және ғылым министрлігіне сілтеме жасап.

Шетелде кадрлар даярлау жөніндегі республикалық комиссияның шешімімен стипендия 106 үміткерге берілді. Көп ұзамай олар оқуға кіріседі. Стипендиаттардың толық тізімімен мына сілтемеде танысуға болады.

Стипендиаттарды іріктеу Президенттік жастар кадрлық резервіне іріктеу үлгісі бойынша толығымен автоматтандырылған. Конкурстық іріктеудің әр кезеңі прокторинг жүйесі арқылы цифрландырылған және бейнетіркеуге алынды.

"Біз кешенді тестілеу мен сұхбаттасу процесін өткізу тәсілін сапалы етіп өзгерттік. Үміткерлер оқу орнына өз бетімен түсуі тиіс, сондықтан пәндік сұрақтар қойып, тексерудің қажеті жоқ. Оның орнына біз үміткерлердің талдау, сыни ойлау, фактілерді түсіндіру дағдыларын және ерекше жағдайларда бейімделу қабілеттерін бағалауға назар аудардық.

Бұл дағдыларсыз шетелдік мықты жоғары оқу орындарында оқудың еш мағынасы жоқ.

Тағы бір басты жаңалық – барлық стипендиаттың білім алу барысы бойынша мониторинг Халықаралық бағдарламалар орталығының жаңа порталында цифрлық форматта жүзеге асырылатын болады. Енді стипендиаттарға жарты жылда бір рет транскриптерді сканерлеудің, есептер жазудың және анықтамалар жіберудің қажеті жоқ. Барлық дерек блокчейн технологиясына негізделген жүйеде жиналады. Ал сол жүйедегі кез келген өзгерістер автоматты режимде тіркеліп, сақталады. Бұл стипендианттарға қатысты ақпараттың негізсіз өзгеруіне жол бермейді", - деді білім және ғылым вице-министрі Мирас Дәуленов.

Қазақстан жаңалықтары. Соңғы жаңалықтар. Telegram желісінде бізге жазыл!