+7 (777) 001 44 99
ПОДЕЛИТЬСЯ
Оңтүстік Қазақстанда кәмелетке толмаған 350-ден аса жүкті қыз есепте тұр. Мұндай санды ОКҚ-да өткен брифинг барысында ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия мүшесі Бексұлтан Тұтқышев атады, - деп хабарлайды Tengrinews.kz тілшісі.
Оңтүстік Қазақстанда кәмелетке толмаған 350-ден аса жүкті қыз есепте тұр. Мұндай санды ОКҚ-да өткен брифинг барысында ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия мүшесі Бексұлтан Тұтқышев атады, - деп хабарлайды Tengrinews.kz тілшісі.
"Денсаулық сақтау басқармасының мәліметіне сәйкес, жасы 12-ге енді толған, бірақ 17-ге толмаған 350-ден аса жүкті қыздың есепте тұрғаны анықталды. Дәрігерлердің айтуынша, оның соңы жағымсыз әрекеттерге әкеп соғады және ол қыздар мен жаңа туылған сәбилердің денсаулығына әсер етеді", - деп келтірді әкімдіктің ведомствоаралық комиссиясы ұсынған мәліметті Тұтқышев. Ол бұл жағдайдың Оңтүстік Қазақстанға байланысты екенін айта кетті.
"Олардың ата-анасы, бауырлары бар, мұндай жағдай қайдан туындайды? Бұл жұмыс мемлекеттікі емес, ата-ананыкі. Мемлекет баланы өмірге келген күннен бастап тәрбиелей алмайды. Тәрбие мәселесіне көңіл бөлу аса маңызды", - деді Тұтқышев.
Айта кетейік, бұған дейін Жыныстық және репродуктивтік саулық жөніндегі қазақстандық қауымдастықтың басшысы Галина Гребенникова жасөспірімдер арасындағы жүктілік деңгейінің жоғары қалыпта сақталып отырғанын айтқан болатын - Қазақстандағы жүктіліктің жалпы санының 3 пайызына тең.
