"Қазгидромет" синоптиктері алдағы үш күнде - 7, 8 және 9 мамырда Астана мен Алматыда ауа райы қандай болатынын айтты, деп хабарлайды Tengrinews.kz тілшісі.
Астанадағы ауа райы болжамы
7 мамыр күн құбылмалы болады, өткінші жаңбыр жауып, күн күркірейді. Оңтүстік-шығыстан соғатын желдің жылдамдығы секундына 9-14 метр. Ауа температурасы түнде +11...+13 градус, күндіз +25...+27 градус.
8 мамырда күн құбылмалы болады, кей уақытта жаңбыр жауып, күн күркірейді. Оңтүстік-шығыстан, оңтүстіктен соғатын желдің жылдамдығы секундына 9-14 метр. Ауа температурасы түнде +12...+14 градус, күндіз +23...+25 градус.
9 мамыр күні құбылмалы болады, кей уақытта жаңбыр жауып, күн күркірейді, бұршақ жаууы мүмкін. Оңтүстік-батыстан соғатын желдің жылдамдығы 9-14 м/с, күндіз екпіні 15-20 м/с болады. Ауа температурасы түнде +10...+12 градус, күндіз +18...+20 градус.
Алматыдағы ауа райы болжамы
7 мамыр күн құбылмалы болады, жауын-шашынсыз. Оңтүстік-шығыстан соғатын желдің жылдамдығы секундына 3-8 метр. Ауа температурасы түнде +13...+15 градус, күндіз +28...+30 градус.
8 мамырда күн райы құбылмалы болады, жауын-шашынсыз. Оңтүстік-батыстан соғатын желдің жылдамдығы секундына 3-8 метр. Ауа температурасы түнде +16...+18 градус, күндіз +30...+32 градус.
9 мамыр күні күн райы құбылмалы болады, күндіз өткінші жаңбыр жауып, күн күркірейді. Оңтүстік-батыстан соғатын желдің жылдамдығы 3-8 м/с, күндіз екпіні 15 м/с болады. Ауа температурасы түнде +17...+19 градус, күндіз +28...+30 градус.
Қазақстанға нөсер жаңбыр мен күннің суытуы келе жатыр
Бұған дейін синоптиктер мереке күндері Қазақстанның басым бөлігінде жауын-шашынды ауа райы күтілетінін, күн күркіреп жаңбыр жауып, бұршақ жаууы және желдің ұйытқуы мүмкін екенін хабарлаған болатын. Толық болжам осы жерден оқыңыз.
