8 жастағы қызды педофилден қорғап қалған оқушыға ЖОО гранты тағайындалды

18 Сәуір 2017, 22:51
0
8 жастағы қызды педофилден қорғап қалған оқушыға ЖОО гранты тағайындалды -

8 жастағы қызды педофилден қорғап қалған оқушыға облыс әкімдігінен ЖОО гранты тағайындалды. Бұл шешімді Алматы облысының әкімі Амандық Баталов шығарған. Бұл туралы Tengrinews.kz тілшісіне облыс әкімінің орынбасары Жақсылық Омар хабарлады.

"Жалғыз өзі қызды құтқарған Тимурбек Жамаладдиновтың ерлігіне барлық қазақстандық тәнті болды. Ол ерекше ерлік жасады, мұны елеусіз қалдыруға болмайды. Қазір ол Түрген ауылындағы Қонаев мектебінің 11 сынып оқушысы. Ол оқуды аяқтап, аттестат алған соң Алматы облысы әкімдігінің гранты бойынша Қазақ Ұлттық аграрлық университетке түседі, биыл бұл грант бойынша 357 бала оқып жатыр", - деп мәдімдеді Жақсылық Омар. 

Сонымен қатар, облыс әкімінің орынбасары 8 жасар қыздың жағдайын облыс билігінің ерекше назарында екенін айтты. Оған қажетті медициналық қызметтер кешені көрсетіліп жатыр екен.

Еске салайық, 2008 жылғы қызға шабуыл 14 сәуірде жасалған болатын. Кейін осы ауданның 32 жастағы тұрғыны ұсталып, уақытша ұстау изоляторына қамалған. Соталды тергеу ҚР Қылмыстық кодексінің 121-бабының 4-бөлігі бойынша жүргізіліп жатыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай