Мәжіліс кулуарында қаржы министрі Ерұлан Жамаубаев журналистердің Абай облысындағы орман өртінің алдын ала шығыны туралы сұрағына жауап берді, - деп хабарлайды Tengrinews.kz тілшісі.
Жамаубаевтың айтуынша, өрт әлі сөндірілмегендіктен, алдын ала шығын туралы айтуға әлі ерте.
"Елеулі аумақ әлі де өртеніп жатыр. Сондықтан барлық процедуралардың, соның ішінде Роман Васильевич (Скляр. - еск.) жетекшілік ететін комиссияның жұмысын оқшаулап, аяқталуын күтейік", - деді қаржы министрі.
Сондай-ақ, Ерұлан Жамаубаевтың айтуынша, Орман шаруашылығы және жануарлар дүниесі комитетінің 2023-2025 жылдарға арналған бюджеті 121,5 миллиард теңге болады, оның ішінде биылға - 52,7 миллиард теңге.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
