+7 (777) 001 44 99
Қазақша
Русский
English
Қазақша
Русский
English
Лион аппелляциялық соты 7 қазанда "БТА Банк" бұрынғы басшысы Мұхтар Әблязовтың кепілақымен босату туралы өтініші қанағаттандырылмады. Бұл туралы "Экономическая правда" басылымы "Ильяшев и Партнеры" заңгерлік фирмасына сілтеме жасап хабарлайды.
Еске салайық, Франция соты осыған дейін де Мұхтар Әблязовтың кепілақымен босату туралы өтініші қанағаттандырмаған болатын.
Әблязов Ресейге немесе Украинаға экстрадициялануы мүмкін. Экс-банкирді Ресейге экстрадициялау туралы құжатқа 17 қыркүйекте Францияның премьер-министрі Мануэль Вальс қол қойған. Қашқын банкирді экстрадициялау туралы өтінішті Украина да білдірген болатын. Ресейде бұрынғы банкирге алаяқтық, жалған құжаттар әзірлеу, лауазымын асыра пайдалану, бес миллиард долларды жымқыру сияқты көптеген заңбұзушылық жасады деген айып тағылды.
Еске сала кетейік, Мұхтар Әблязов 2013 жылы жазда Францияда ұсталып, әлі күнге дейін қамауда отыр. 2014 жылдың қаңтарында төменгі инстанциядағы сот оны экстрадициялауды қолдады, бірақ сәуір айында кассациялық сот бұл шешімнің күшін жойды. Іс Лионның апелляциялық сотында қаралды, ол да банкирді беру туралы сұранымды қанағаттандыруды ұсынып, Ресейге басымдық берілетінін мәлімдеді.
Ресейде бұрынғы банкирге алаяқтық, жалған құжаттар әзірлеу, лауазымын асыра пайдалану, бес миллиард долларды жымқыру сияқты көптеген заңбұзушылық жасады деген айып тағылды. Қазақстанда Мұхтар Әблязов 6 миллиард доллардан астам соманың қаржылық алаяқтығын жасады деп айыпталды. Ол өз отанында мүлкін тәркілеумен бірге 13 жылға дейін бас бостандығынан айырылуы мүмкін.
