Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Ақмола облысында ата-анасынан қорыққан 20 жастағы қыз өз нәрестесін қораптан тауып алдым деген

21 Қаңтар 2016, 12:57
2
© Uaua.info
© Uaua.info

Ақмола облысының тұрғыны ата-анасынан қорыққаннан өзінің нәрестесін қораптан тауып алдым деп айтқан. Бұл туралы Tengrinews.kz тілшісіне облыстық ІІД баспасөз қызметі өкілдері айтып берді.

Баспасөз қызметінің мәліметінше, оқиға 19 қаңтарда болды. "Cағат 20.00-де Целиноград ауданы ІІБ кезекші бөліміне Қоянды ауылының 1996 жылғы тұрғынының таңғы кезде қораптан нәресте тауып алғаны туралы хабарлама келіп түсті. Жедел іздестіру шаралары барысында хабарлама берген қыздың нәрестенің анасы екені анықталды", - деді облыстық полиция қызметкерлері.

Қыздың ата-анасынан жүктілігін жасыру мақсатында осындай қадамға барғаны анықталып отыр. Оның үстінен "Көрiнеу жалған сөз жеткiзу" бабына сәйкес қылмыстық іс қозғалды. Қазір нәресте қыз да, анасы да ауруханаға жатқызылды.

Айта кетейік, соңғы кезде Қазақстанда жас аналардың өз баласын тастап кету дерегі көп тіркеліп жатыр. 18 қаңтарда Маңғыстау облысынан өлі нәресте табылды. Ал 8 қаңтарда жас қыздың нәрестесін жол бойындағы әжетханаға тірідей тастап кеткені анықталды. Осыдан бес күн өткеннен кейін Жамбыл облысында тас жол бойынан тағы бір нәрсте табылды.


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай