Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Ақтөбеде әжетханадан табылған нәресте салмақ қоса бастады

15 Мамыр 2016, 18:59
0
© Tengrinews.kz
© Tengrinews.kz

Уақытша Мәншүк Мәметова есімі берілген нәресте 200 грамм салмақ қосты. Бұл туралы Tengrinews.kz тілшісіне облыстық перинаталдық орталықтың дәрігер-неонатологы Гүлжан Жанина хабарлады.

Дәрігердің айтуынша, нәресте белсенді салмақ жинап жатыр. Табылған кезінде сәбидің салмағы 3 келі 80 грамм болса, қазір 3 келі 300 грамм. Мәншүк үш сағат сайын тамақтанады, оған жасанды тамақтандыру тәртібі қосылған. Жағдайы тұрақты, денсаулығына қауіп жоқ. "Мұндай балаларды біз "тастанды" дейміз, әдетте оларды перзентханадан 10 күннен кейін шығарамыз", - деді дәрігер. Айтуынша, әр жағдайда әр қалай болса да, бұл сәбидің жағдайына байланысты екен. 

Еске салайық, кеше Ақтөбенің 41 жастағы тұрғыны Молдағали Орынбасаров көшедегі әжетханадан нәресте тауып алған еді. Ер адам әжетхана есігін ашқан кезде қыз бала қалтаға оралып, шұңқырда жатқан екен. Молдағалидің айтуынша, ол ең алдымен "102" номеріне, кейін жедел жәрдем қызметіне хабарласқан. Дегенмен ол полицейлер мен дәрігерлер келгенге дейін шыдамай, шұңқырға түсіп, нәрестені алып шығады. Кейін сәбиді құтқару сәтінің видеосы пайда болды. Ал анасы іздеуде жүр. Айта кетейік, нәрестесін әжетханаға тастаған әйел 4 жылға сотталуы мүмкін.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай